Category Archives: Georeport
Катастарот ќе ги чисти фиктивните сопственици од вашиот имотен лист
Согласно измените на законот за недвижности од јуни, во изминатите две недели се донесени и сите подзаконски акти со посебен акцент на членот за исправки на грешки при процесот на запишување на правата на сопственост кои се настанати при дигитализација на аналогниот премер од минатото, рече директорот на Агенцијата за катастар на недвижности Борис Тунџев.
-Со процесот на дигитализација настанале голем број на грешки во делот на сопственичките права, така што има многу голем број на случаи каде во имотните листови се појавуваат сопственици со на пример 2 или 3 метри квадратни, што значи дека во ваков случај или пак случај до 5 проценти грешка во премерите на катастарската парцела, граѓаните ќе мора да достават барање до Катастарот со кои ќе бараат иземање на ваквиот тип на сопственици, објасни Тунџев.
Тој појасни дека овој тип на барања ќе бидат без надоместок, а потребните документи граѓаните ќе може да ги достават до најблиската подрачна единица на Катастарот.
Најголеми проблеми од овој тип има во Драчево, Ѓорче Петров, Волково, Сарај и други.
– Преклопот од нов и стар план се влече подолг период како последица на дигитализација, токму затоа се отоворени и две нови подрачни функционални подрачни единици во Чашка и Македонска Каменица какде како и во градови како Гостивар, Берово, дел од Штип, Куманово сопственоста се утврдувала преку пописен катастар, што е процес кој мора де се заврши за да конечно се реши проблемот и овие граѓани да добијат имотни листови, вели Тунџев.
Извор ФОКУС, линк: https://fokus.mk/katastarot-ke-gi-chisti-fiktivnite-sopstvenitsi-od-vashiot-imoten-list/
Како се прави Карта?
Старите хартиени карти, и денешните нови модерни карти (мапи) позади себе имаат широка научна основа.
До 30 јуни е рокот за доставување Геодетски елаборат за Легализација
Врз основа на Законот за изменување и дополнување на Законот за постапување
со бесправно изградените објекти (“Службен весник на РМ” бр.190/2017), е продолжен рокот за легализирање до крајот на месец декември 2018 година.
Од 01 јануари до 30 јуни 2018 година, овозможено е за сите оние граѓани, коишто за претходните барања не ја обезбедиле неопходната документација да стекнат право во овој дополнителен рок, да поднесат нови барања за утврдување на правен статус на бесправен објект со комплетна
документација.
Барателите кои немаат доставено Геодетски елаборат за утврдена фактичка состојба на бесправен објект до 31 декември 2017 година, можат да достават Геодетски елаборат за утврдување на фактичката состојба на бесправен објект, најдоцна до 30 јуни 2018 година.
Минимална цена на инженерскиот труд?
Дали полека се развива свесноста дека и инженерскиот труд мора да има минимална цена?
Одлична иницијатива на Комората на овластени архитекти и инженери (КОАИ) која се надеваме нема да остане само на хартија туку масовно ќе се прифати и имплементира во инженерските дејности.
Потценетата инженерска услуга не е од корист за никого, дури ниту за тој што ја добил ниската цена!
—
Одделението на архитекти при Комората на овластени архитекти и инженери – КОАИ е иницијатор, предлагач и изготвувач на Нацрт Тарифник на инженерски услуги во се врз основа на член 109 став 7 од Законот за градење.
Тарифникот се однесува на минималниот надоместок за услугите на архитектите и инженерите во високоградбата.
По повеќемесечно работење Нацрт Тарифникот е презентиран и усогласен со останатите одделенија при КОАИ и на 9 мај презентиран пред УО на КОАИ. На 14 мај одделението за архитектура одржа состанок на кој тарифникот се прифати. Во моментов Тарифникот се презентира пред останатите професионални одделенија, кои треба истиот да го разгледаат и одобрат. КОАИ планира после прифаќање на тарифникот од страна на професионалните одделенија, да го презентира на бизнис заедницата. Неопходно е потоа да се закаже Собрание на КОАИ на кое истиот ќе биде ставен на гласање. Доколку Собранието го изгласа Тарифникот тој ќе се проследи до Министерство за транспорт и врски за да стане дел од Законот за градење.
Со Нацрт Тарифник се пропишува минималната вредност на надоместокот за извршените инженерски услуги од страна на овластените архитекти и овластените инженери, учесници во активностите предвидени со Законот за градење. Исто така предвидена е и минимална нето-вредност на работен час на архитектите и инженерите и механизми за спроведување на одредбите на Тарифникот.
Висинита на минималниот надоместокот за извршените инженерски услуги во предложениот тарифникот е презентиран табеларно, а е изработен согласно Правилникот за урбанистичко планирање и ја дефинира градбата по класи на намени.
Тарифите кои се дадени во табелите на тарифникот ги регулираата минималните надоместоци за учесниците во изградбата (член 12 ), а согласно член 47 и член 54 од Законот за градење и подзаконските акти. (Правилник за проектна документација…., Правилника за ревизија на проектна документација……)
Предложено е и техничката документација, која подлежи на Тарифникот задолжително да содржи доказ за наплата на надоместокот на инженерските услуги.
Предавања од проф. Карел Павелка (Czech Technical University in Prague – CTU)
Почитувани колеги,
во името на Раководителот на катедрата за Виша геодезија проф. д-р Златко Србиноски, ја користам оваа прилика да Ве поканам на организираните предавања од проф. д-р Карел Павелка, кои ќе се одржат во петок (4.05.2018 г.) од 11 часот во салата за состаноци на Градежниот факултет во Скопје.
Професорот Павелка е во официјална посета на нашиот факултет на покана на Деканатот на ГФ.
Презентациите кои ќе бидат презентирани се со следниот редослед:
– Презентација за Градежниот факултетот од Прага со осврт на студиските програми и можностите за мобилност на студенти(времетраење 30 мин.).
– Употреба на безпилотните летала за картирање на археолошки локалитети и историски споменици (времетраење 30 мин.).
– Примена на магнетометар и георадар при аквизиција на просторните податоци (времетраење 30 мин.)
Добредојдени се сите заинтересирани слушатели,
Со почит,
доц. д-р Златко Богдановски
Теодолит од XIX век во колекцијата на Кат-стар Про
Теодолит од крајот на XIX век ја збогати колекцијата на инструменти во витрините на Кат-стар Про.
Овие инструменти биле значаен фактор во развојот на геодетската дејност.
Јавна трибина по текстот за измена на Законот за Катастар на Недвижности
Врз основа на предложените законските измени на постојниот Закон за катастар на недвижности, изготвени од страна на Агенцијата за катастар на недвижности, како Управен одбор на Комората на трговци поединци овластени геодети и трговски друштва за геодетски работи, цениме дека сите членки на Комората е неопходно да бидат транспарентно и навремено информирани по однос на споменатите измени, и истовремено, проактивно да покажат иницијатива и да се вклучат во една поширока дискусија, односно јавна трибина, на којашто вообичаено се образложуваат сопствени видувања и предлози што резултирале врз основа на стекнато искуство и работење во приватниот сектор.
Барањето на Комората, доставено до нејзините членки да достават свои конкретни предлози, сугестии и мислење врз база на доставениот Нацрт-материјал по измените на постојниот закон, не вроди со плод, од причина што многу мал број на колеги се одѕваа на дописот, така што во целата постапка недостасува критичка мисла и поттик за реализација на измените на постојниот Закон за катастар на недвижности , кој ќе биде применлив и корисен за приватната геодетска пракса.
Во очекување на Ваш придонес во креирањето и обликувањето на претстојните измени на споменатиот закон, Ве покануваме да земете активно учество во рамките на јавната Трибина, закажана на 02.02.2018 година, (петок), во Амфитеатарот на Градежниот факултет во Скопје, со почеток во 09.30 часот, на којашто во присуство на претставници на Агенцијата за катастар на недвижности, јавно и отворено ќе се дискутира по предлог-измените на Законот за катастар на недвижности.
Цениме дека единствено на ваков начин ќе може да се даде конструктивен придонес на предложените измени на постојниот закон.
Со почит,
Претседател на Комора на трговци поединци овластени геодети и трговски друштва за геодетски работи на РМ
м-р Горан Јованоски, дипл.геод.инж., с.р
Македонија и Бугарија ќе разменуваат картографски и геодетски податоци
Македонија и Бугарија ќе разменуваат картографски и геодетски податоци, како и катастарски материјали. Тоа го предвидува Меморандумот за соработка меѓу Агенцијата за катастар и недвижности на Македонија и бугарската Агенција за геодезија, картографија и катастар, што денеска беше потпишан во Струмица, во рамки на првата заедничка седница на владите на двете држави.
Размената на катастарски информации, особено за пограничните области, ќе помогне во реализацијата на повеќе економски проекти за подобрување на локалните самоуправи во двете земји.
Во документот се предвидува реализирање заеднички регионални проекти од заеднички интерес, финансирани од фондовите на ЕУ.
Со размената на информации се создаваат и услови за поврзување на геодетските мрежи, што ќе даде позитивен ефект врз дејностите во геодетската област, картографијата, катастарот во рамки на европската заедница.
Меморандумот е со рок од десет години.
Што е Геодетска дејност?
Дали некогаш сте си поставиле прашање што е Геодетска дејност?
Геодезијата како научно-техничка дисциплина опфаќа широк ранг на научни, инженерски и административни проблематики. Од утврдувањето на математичкиот модел на планетата Земја до физичка делба на парцела (нива) помеѓу двајца браќа во Зелениково.
…..
Но, дали Геодетската дејност е добро дефинирана, промовирана и пласирана од избраните претставници, од стручната фела, од администрацијата која е платена за тоа од државата?
Ова нека биде само идеа и поттикнување на темата.
Ова тема ќе ја истражуваме и анализираме детално.
Признавањето на инженерските професионални квалификации во Европската Унија
Во склоп на македонската недела на инженерството на 18 октомври 2017, Комората заедно со LATTANZIO Advisory го организираа настанот „Признавањето на инженерските професионални квалификации во Европската Унија и меѓународниот аспект на инженерската дејност, согласно Европската директива за професионални квалификации“, кој се одржа во хотел Мериот.
Предавачи на настанот беа еминентни домашни и меѓународни предавачи за семинарот – меѓудругите – Генералниот секретар на Европската федерација на инженерски асоцијации (FEANI) Dirk Bochar од Брисел; Потпретседателот на Европската Асоцијација на инженерски Комори (ECEC) Hansјорg Letzner од Италија; Претседателот на Бугарската Комора на архитекти Борислав Игнатов; Рената Гомбоц, претставник од Словенечката инженерска комора.
Настанот го посетија околу 100тина инженери, кои имаа исклучително позитивно искуство во однос на темите, предавачите и организацијата на настанот.
Делегацијата на Комора на Генералното Собрание на советот на геодетите на Европа и ИНТЕРГЕО
Во периодот од 28-30.09.2017 година, во Потсдам, Германија, делегацијата на Комората на трговски друштва за геодетски работи во состав, м-р Горан Јованоски- претседател и м-р Надица Мишеска и м-р Никола Рибароски-членови на Управниот одбор на Комората, остварија посета на Генералното Собрание на советот на геодетите на Европа и Саемот за геодезија и геоинформации ИНТЕРГЕО во Берлин.
Геоид, Елипсоид, Проекција, Рамнина – што значат овие поими?
Графички приказ на некои геометриски-математички односи помеѓу површините кои се користат во Геодетските мерења и пресметки …
Се подготвуваат законски измени со нови рокови за доставување на барањата за утврдување на правен статус на бесправно изградените објекти
Министерство за транспорт и врски подготвува измени на Законот за постапување со бесправно изградени објекти.
Со измените на овој закон се дава можност на сите лица кои од кои било причини не успеале досега да достават барање за утврдување на правен статус на бесправно изграден објект или пак тоа да го комплетираат (не доставиле соодветна документација во согласност со законот), во пропишаниот рок да го направат истото тоа, под истите услови што важеле досега.
„Со Законот за постапување со бесправно изградени објекти се уредуваaт условите, начинот и постапката за евидентирање, утврдување на правен статус и санкционирање на бесправно изградените објекти. Од март 2011 година со донесувањето на Законот за постапување со бесправно изградени објекти, кога започна процесот на утврдување правен статус на бесправно изградените објекти, беа донесени повеќе изменувања и дополнувања на законот во различни сегменти, вклучувајќи и измени во рокот за поднесување и комплетирање на барањата со поднесување на елаборати. Овој рок за поднесување на геодетски елаборати во согласност со последниот рок заврши заклучно со 31 декември 2016 година. Со овие предложени измени се воведува нов рок за доставување на барањата за утврдување на правен статус на бесправно изградени објекти, односно тој да биде од денот на отпочнувањето на примената на овој закон, односно од 1 јануари 2018 година до 31 декември 2018 година“.
